وأنت الثرى والسماء .. وقلبك آه أخضر .. وجزر الهوى فيك مدّ .. فكيف إذن لا أحبك أكثر ؟
الأربعاء، 28 فبراير، 2007,10:32 م
تعرف ؟


...اقتلنى
اقتلنى ان كنت ما حبتنيش
أسماء
 
posted by عين ضيقة | Permalink | 20 comments
السبت، 24 فبراير، 2007,9:09 م
قُبلة
أطيلى القُبْلةَ الأولى
فكفّى لم تزل ظمْأى لشفتيْكِ
أطيلى..نهنهاتٍ تُطْلِقيها..مثلَ صمتى
أطيلى..سجْدةَ العشقٍِِِ المشوَّقِِِِ
ثمًّ ظلّى
فى فراشى حتى أفنى
ثم صلِّى .. للإله المقتدر
كى تدنو منى كلًّ يومٍ .. ألفُ قُبْله
.وامنحينى ألفَ ألفٍ كلًّ ليله
 
posted by عين ضيقة | Permalink | 21 comments
السبت، 17 فبراير، 2007,10:32 م
كيف؟؟؟
جدارُ الدارِ مُعوجٌ
فكيف ننامُ فى أمنٍِ؟
وكيف نقاسم الأطفالَ حلمَهُمُ
بأرجوحه
وعصفورٍ
وكراسٍ لكى نكتب
بها ما يشبه الحرفَ..إذا انقلبَ
ولم يُفصح؟
وكيف تقاطع الأحلامَ أحلامٌ
بوجهٍ زائرِ يأتى
لدنيا النومِ .. لا أكثر؟
َوكيف نُعانق الوجه
نقبِّله
يُقبِّلنا
يعانقنا إلى أنْ ينتهى الليلُ؟
ويترُك لى
بقايا عطره الأصلى على جَسدى
ولمسَ أناملٍ خدِّى
وصوتاً واصفاً قدى
أنا أنثى
كما كانت ...أنا فى الحلمِ من قبل

ولكنِّى هناك الآن
عند الجانبِ المائل على حلمى
ليقتله
ويقتلنى
تخاصمت أنا والنوم كى يبقى.. لى شىءٌ
إذا ما هُدِّم البيتُ على رأسى
فيحيا بعدى الحلمُ
.ُويبقى ذلك الوجه
 
posted by عين ضيقة | Permalink | 21 comments
الثلاثاء، 6 فبراير، 2007,11:20 م
تاجى..أقصد تاجينى
أنا وصلنى تاجين ..واحد من هبة, وواحد من كرانيش
وآدى الأسئلة
إيه اللى هيحصل لإيميلك لما تموتى؟
هيستقبل رسايل كتيرة جدا بتقول:إيه أخبارك؟انت فين؟ طمنينا عليكى؟
اديتى الباسوورد لحد قبل كده؟لو(آه) كانت طبيعة علاقتك بيه إيه؟
لأ_ انا ما بحبش أقفل درج وحد يفتحه
اسمك؟
أسماء
اسم الدلع المشهورة بيه وسط أصحابك؟
أنا بستمتع وانا بسمع اسمى منهم زى ما هوّ كده..حقيقى ببقى مبسوطة
عمرك؟
فى 2مايو الجاى هكمل 20 سنة إن شاء الله
برجك؟
اعتقد كدة يبقى الثور, ولو انى عمرى ما حاولت اتعمق فى الابراج دى..تقدرى تقولى عدم اقتناع
مجالك او مجال دراستك؟
انا بدرس اللغة العربية فى كلية التربية, ان شاء الله لما اتخرج هكمّل دراسات اكاديمية
ونفسى أشتغل فى الصحافة
والتدريس هيكون آخر الخيارات,أو خيار مؤقت
شخصيتك نوعها إيه؟
أنا حاليا ..زى ما تقولىكده..فى مرحلة انتقالية
حاجات كتيرة بتتغير فىّ برغبتى وإرادتى
أنا عنيدة شوية,ما بتنازلش عن حقى تحت أى ضغط
أنا إنفعالية شوية وأصحابى شايفين انى ثورية
كمان شايفين انى بحبهم وبخاف عليهم وحنينة -زيادة عن اللزوم
أهلى بقى شايفين انى منعزلة عنهم, ومش مهتمة بأخبارهم وده بيضايقهم
أنا مش إنعزالية بس أنا بحاول آخد قدر من الخصوصية لنفسى وليهم
ببكى كتير ,بس أنا مش نكدية وااه
أنا متفاءلة ومش انهزامية
كمان اجتماعية ومع ذلك بحب أمارس حياتى لوحدى
على فكرة ..أنا طيبة ..بس مش غلبانة
السفر بالنسبة ليكى؟
فرصة للخروج من جو البيت ,وممارسة حياة جديدة فى جو جديد
وقت فراغك بتعملى فيه إيه؟
ياإما بقرأ, أوبكتب, أو قدام التليفزيون أوالكمبيوتر
الأكلة المفضلة ليكى؟
سمك بلطى مشوى, ومعاه طبق سلطة, وعيش سخن
الصفات اللى أخدتيها من بابا؟
الطيبة..بابا طيب فى أغلب الأحيان
الصفات اللى أخدتيها من ماما؟
أعتقد حمل هموم الناس, والبكا كتير
أكتر 6 حاجات بتحبيها؟
أصحابى
الشعر
أحلامى
المشى
شغل المطبخ
عفوا....سقط الشىء الأول عمدا
أكتر 6 حاجات بتكرهيها؟
النهايات
القسوة والتسلطية
الاستسلام
التدخل فى حياتى بدون رغبتى
الخيانة
أفلام محمد سعد
الشغل بالنسبة ليكى؟
اعتقد مصدر للفلوس, وتحكم ذاتى اكتر بمصيرى وحياتى
كمان هو أكيدة وسيلة لصنع حياة أفضل
إيه الكمبيوتر والنت بالنسبة ليكى؟
لحد دلوقتى هو وسيلة بتوصّلنى بيكم, وبتسمح لى أدخل دنيا بحبها
أمرره لمين؟
تقريبا التاج ده راح لمعظم الناس
وانا قررت ما أدبسش حد فيه
______ ______ _______ ________ _______
تاج كرانيش
بتسأل عن 5 حاجات ماحدش يعرفهم عنى
شوفى يا ستى
1_وأنا فى اعدادى كان نفسى احيّى العلم لكن للاسف كان لازم ولد هو اللى يقوم بالعملية دى
2_وانا فى اولى اعدادى كنت امينة الفصل, وفى انتخابات سنة تانية سقطت
وبكيت يومها كتير جدا, استدعيتنى الاخصائية الاجتماعية,وكانت
معتقدة انى مريضة نفسيا
اللى ما تعرفهوش انى كنت ببكى لانى حسيت ان حب زمايلى ليا
قلّ
على فكرة فى سنة ثالثة اختارونى الامينة تانى
3_أنا ما اتعودتش ابوس إيد ماما ,بس فى يوم وهى نايمة بوست إيدها وبكيت
يومها كتير جدا, مش عارفة ليه
4_فى تانية ثانوى , أخدت عدية من أستاذ محمد مصطفى عشرين جنيه
وطلب منى أصرفها أنفع ليا, لكن أنا احتفظت بيها,لحد
ما كنت مع نهلة عند دكتور الصدر واحتاجت فلوس فطلعتها
5_وأنا فى خامسة ابتدائى,كنت برجع من الدرس بالليل وكنا فى الشتا
ومرة قابلت
واحد زميلى ووقفنا نتكلم حوالى ساعة فى الضلمة لأن النور كان مقطوع
كنا أصحاب لحد مادخل حياتنا (العيب واللى مايصحش)بس

(أى خدمة)
 
posted by عين ضيقة | Permalink | 16 comments