وأنت الثرى والسماء .. وقلبك آه أخضر .. وجزر الهوى فيك مدّ .. فكيف إذن لا أحبك أكثر ؟
الخميس، 25 يناير، 2007,3:44 م
إليك
وشك مش لايق ع الضحكة
وعنيكى الضيقه جدا ...لونها بلون العتمه
وكفوفك..كف تحس الحس وبس
وكف اتشلت من فترة
والناس بتخبط فى جدارك..فيسقط جمر
دنياكى بتلعن دنياكى وبيسب العمر
العمر اللى مطول لسه
وليه؟.........ماأعرفش
 
posted by عين ضيقة | Permalink |


21 Comments:


  • At 9:23 م, Blogger LAMIA MAHMOUD

    وشك مش لايق على الضحكة

    حلوة بجد .. الظاهر ان مبقاش في وش متركب على الضحكة

    دنياكى بتلعن دنياكى وبيسب العمر
    وبيسب ويلعن كمان
    عادي يعني

     
  • At 9:32 م, Blogger Sampateek

    مين دي اللي بتكرهيها قوي كده؟
    اكيد الست كوندليزا رايس


    :)

    مبروك المدونة

     
  • At 2:29 ص, Blogger Zeryab

    حلو

     
  • At 5:30 ص, Blogger Mony The Angel

    so nice :)
    go forward

     
  • At 1:44 م, Blogger الوردة السوداء

    على فكرة انا سمعتها منك قبل كدة

    وهى حلوة اوى على فكرة

     
  • At 2:10 ص, Blogger كائن العزلة الكئيب

    يخرب عقلك أنا مش مصدق عينى أن فيه كآبة كدة (إلا عندى طبعا) هايلة هايلة جدااااا لحد بعد بعد بكرة
    هتكون واحدة من مقاطعى المفضلة و يمكن أستأذنك أضمنها فى قصيدة ليا ممكن؟

     
  • At 2:49 م, Blogger Sokomonoce

    يمكن لو فتحت عنيك شوية تشوفى شوية امل شوية يعنى مش كثير لان كدة صعب جدا تعيشي كثير انا صحيح ما اقدرش انكر ان المدونة عجبتنى جدا لكن الكآبة دى كثير قوى عليك انت لسة قدامك كثير قوى تشوفيه ...يا ترى ح تقدر تستحملى
    ربنا يزيح عنا كلنا الهم والوجع

     
  • At 7:50 م, Blogger esraa

    بجد جميله جدا
    بس ده مايمنعش ان الحياه حلوه وان الجميل فيها اكتر من الوحش بس نعرف نوصله(:
    تحياتي

     
  • At 10:15 م, Blogger dyin_soul

    وكفوفك..كف تحس الحس وبس
    وكف اتشلت من فترة
    والناس بتخبط فى جدارك..فيسقط جمر

    جزء تحفة بجد
    الشجن والكابة والحزن احاسيس لا يشعر بها الا ذوو الحس المرهف في هذا الزمان
    ان شاء الله نحو مزيد من التقدم

     
  • At 1:17 ص, Blogger الحصان الأسود

    الشعر جميل

    بس اللي واخد تفكيري هوة حكاية "العيون الضيقة" دي بصراحه

    هل هي مقصود بها ضيق الافق ولا العيون الاسيوية الضيقة ولا بس مضيقة عيونك من قوة الشمس اللي ضاربة فيهم

    وللا كناية عن التركيز

    تحياتي

     
  • At 3:45 م, Blogger عين ضيقة

    لمياء
    عادى ياباشا

    سمباتيك

    حرام عليكى تظلميها,طيب قولى اليسيا ستون تبقى مقبوله شوية
    ههههههههه

    زرياب
    الله يحلّوك على رأى سيزيف

    مونى
    أوك ياقمر

    سوكومونوس
    يارب

    إسراء
    أهلا بيكى عندى

    هبة
    انت اللى تحفة والله

    الحصان الأسود
    مش عارفه والله هى ضيقة ليه..بس هى بتحوى السما ياباشا

    كائن العزلة
    إلا ممكن ,انت تؤمر واحنا نوصل للمنازل
    شكرا لكلكم

     
  • At 5:18 م, Blogger tamer

    بادية جميلة

    كلمات اكثر من رائعة

    وفكرت البوست اكثر من رائعة

    تحياتى

     
  • At 5:30 م, Blogger 21arestoo

    وهو كذلك
    بس دا لا يمنع ان انتي مش ذكية خالص
    ههههههههههههههه
    وعارفة؟
    هانزل البوست برضو
    اه هيه عافية
    مش رحلة

     
  • At 9:03 م, Blogger غادة الكاميليا

    حلو +جداً
    يبقى حلو جدا

     
  • At 12:04 م, Blogger كرانيش

    بت انتى
    انتى شلتى التعليق بتاعى ليه؟
    والله انا علقت قبل كده
    صح؟
    قولى صح
    عاعموم هعلق تانى
    مبروك عالمدونه
    والعاميه بتاعتك رائعه
    وهقولك عدوك ابن كارك
    فمتكونيش عدوتى وتكتبى عاميه تانى
    ومتشليش تعليقى تانى
    انا زعلانه

     
  • At 12:21 م, Blogger dyin_soul

    ليكي تاجي يا توتة عندي في البلوج تعالي خديه و هستني ردك عالاسئلة كلهااااااااا

     
  • At 1:18 م, Blogger Human

    ألف مبروك ....بس انت بخيله قوي كده ليه ..عايزين بوست تاني

     
  • At 7:15 م, Blogger عين ضيقة

    تامر
    ميرسى

    أرسطو
    براحتك ياباشا بس أنا ذكائى أعلى من إنك تدركه

    غادة
    شكرا+جدا ..يبقى شكرا جدا

    كرانيش
    والله ما شلت حاجه هو التعليق الاولانى ما وصلش ,وعموما ماتزعليش وشوفى بنت الكار كاتبالك ايه؟

    إنسان
    أهلا بيك عندى
    وبخصوص البخل فتحت أمرك ياباشا
    أنزل بوست جديد ده نهار المنى ده

     
  • At 7:22 م, Blogger VEЯŎ

    7elwa ya 3yoon :)

     
  • At 7:36 م, Blogger سلامـــــــــــــه

    تصدقي حلوة
    ...............
    عزيزتي
    دمتي بود

     
  • At 8:07 م, Blogger عين ضيقة

    ve??
    ميرسى

    سلامة
    الله يحلّوك
    دمت انت بود