عـيـون ضـيـقـة بـتـحـاول تـحـوى الـسـمـا

وأنت الثرى والسماء .. وقلبك آه أخضر .. وجزر الهوى فيك مدّ .. فكيف إذن لا أحبك أكثر ؟

الأحد، ١٧ يونيو ٢٠٠٧,١٢:٣٥ ص

الموت وأنا

الموت بيقرب من بيتنا

وأنا وحدى بسكِّن خوفى وبضحك

لحيطان البيت

وبحكِّى معايا عن المحصلش ومش معقول

وبصدق نفسى وبعمل كوبايتين الشاى

وبكمِّل كدبى عليها بتسمع

بستغربها

ليه دايما تسمع

مع إنى بحكِّى عن المحصلش ومش معقول؟

لم أحلم أبدا أن يخطفنى الفارس يوما

أو يَلبسنى الثوبُ الأبيضُ

أو أُلبسها الأنثى أنثى

تفتنُ كلَّ رجالِ القريةِ

كنت أقاسمَ عقلى عقلَه

كان يقاسمنى بجنونى

نصفُ السقمِ الساكنِِ حلمى

أنبت شعراً ليس بِمُعجز

ليت الشعرَ يثيرُ الأخرى

.كى تتكلم

بِرد الشاى , والموت بيقرب

وعنيه فِ مرايتك , غصبٍ عنك

,شايفة قميص النوم الأحمر

النوم بيغطى على كسوفك

تستسلمى كالعادة لحلمك

فسريرك بيضمك غيرة

.وبيستعجل صبح لبكرة

وشريطٌ أسودُ فوقَ الصُّورةِ

فوقَ جدارِ الغرفةِ يُعلنُ

(( سكتَتْ أنثى))

بين ضجيجى واستنطاقِ الصمتِ مسافةُ

موتِ الأنثى

بين الصورةِ فى المرآةِ

وبين الصورةِ فوقَ الحائطِ

فقدُ الأنثى

,تباً للخطواتِ الأولى فى طرقات اللا معقول

وحدى أكتبُ فوق الشاهدِ

.(سكتت أنثى)

posted by عين ضيقة

| Permalink |

29 Comments:

At ١٠:٢٩ م, الوردة السوداء

الله يا اسماء

انتى حلوة فعلا
يخرب بيتك بجد
At ١١:٠٦ م, غادة الكاميليا

يخربيت كده
بس منكرش ان الجزء العاميه أقوى
لكن التداخل جميل
رائع يابنت اللذين
At ١:١٢ ص, bastokka طهقانة

هو انا مش فاهمة الصراحة
بس
اكيد كويس

اوروفوار
At ٤:٤٣ ص, .:.-=- ELGaZaLy-=-.:.

جميلة اوى بس لية كمية التشاؤم دة...؟؟

مش كتير شوية ؟؟
At ٨:٣١ ص, بياترتس

حلوه اوى
تسلم ايدك
At ٦:٥٧ م, ياسر سليم

أوبااااااااا

كده انا فهمت ..
انتى بقة والوردة السوداء أصحاب ..

وانا اقول ايه التعلقيات دى..

تعلقياتكم تقريبا متشابهه فى المضمون

انا عايز اسألك سؤال ..
ايه فايدة ان الواحد يكتب كلام رائع وما حدش فاهمه !؟
هو الواحد بيكتب لنفسه ؟
واديكى شايفه التعليق اللى بتقول فيه صاحبته انا مش فاهمه حاجه !

تحياتى
At ١٠:٢٤ م, Radwa

مش عارفه اقول فاهمه وفى نفس الوقت م اقدرش اقول مش فاهمه

انا مش عارفه

بس الموضوع فى حاجه حلوة او مش حلوة حاجه جذابه
At ٨:١٦ ص, صاحب البوابــة

رائعة

ومؤثرة

تحياتي
At ٨:٢١ ص, الزين

كلمات بليغة
لا اسكت الله فاهك

سكتت انثى
ما اعرف ليش اثرت فين هالكلمتين
يمكن لأن الأنثى من طبعها البوح
ولما تسكت معناه حتى البوح اصبح ماله طعم
ماله متعه

عجبتني مدونتك وراح امر باستمرار
At ٧:٤٧ م, vetrinary

عن المحصلش

مش عارف اقراها
فسريرك بيضمك غيرة
الفاء الزايده دى اكيد حطاها بردو عشان الوزن
يلبسنى
الكلمه عاميه شويه
فى كام حاجه كده بردو مش مريحنى فى القصيده
At ٨:٤٤ ص, Diyaa'

بتتنقلي في الموضوع برشاقة ومع بعض القراية والكتابة هتتمكني من اللغة أكتر
بس مش ده المهم المهم الأحساس الجميل اللي مكتوب أدامي
العين اللي شافت كده مش عين ضيقة أكيد..أكيد مش ضيقة
At ١١:٢٨ ص, الملتقى

ندعوكم للمشاركة معنا فى
الملتقى
ملتقى ابداع المدونين
واراءهم ومواضيعهم
تسعدنا مشاركاتكم
At ٩:٢٨ م, أحمد ع. الحضري

تحياتي على القصيدة الجميلة
At ١٢:٣٣ ص, سندباد

تفتكري ان الحزن والوجع هو اللي بيخلينا نبقي مبدعين ولا الابداع هو اللي بيخلينا نحس بالوجع اكتر
At ١:٢٤ ص, عين ضيقة

الوردة السودة
ــــــــــــــ
الله يخليكى
بس هو ممكن يخرب بيتى مش بجد؟

غادة الكاميليا
ــــــــــــــ
شكرا يابنت الذين

طهقانة
ـــــــ
ممكن تعيدى قراية يمكن تقدرى تفهمى

الغزالى
ـــــــ
أنا بقول كده برضو
وشكرا على مرورك

بياترتس
ــــــــ
تسلمى

ياسر سليم
ــــــــــــ
آه ممكن الواحد يكتب لنفسه
وما اعتقدش النص غامض
عدم فهمه مش عام يعنى فيه ناس فاهمة

سندريللا
ـــــــــ
جايز برضو

صاحب البوابة
ـــــــــــــ
شكرااااااااااااا

زوزوتا
ـــــــــ
شكرا جدا لرأيك ومروك
أكيد يسعدنى مرورك تانى

فيترينارى
ــــــــــ
الفعل صحيح ياافندم والفاء مش زيادة ولا حاجة
بس ايه اللى مش مريحك؟
قوللى وانا اقطم رقبته

ضياء
ـــــ
برضو شكرا

الملتقى
ــــــــ
حاضر ياافندم

احمد الحضرى
ــــــــــ
وتحياتى ليك

سندباد
ــــــــت
مش عارفة
بس هل ده يعنى انك شايفنى مبدعة؟
عموما .. شكرا

شكرا لكلكم
At ١:٢٤ ص, كرانيش

نبطل احنا بقه؟

مهو يتبطلى يا نبطل

فصحى وعاميه مره واحده؟
لا وايه
محسستنيش بالفرق اطلاقا بين الاتنين
محستش بمطبات وانا ماشيه

حلو التداخل جدن

يسعدنى انى اديلك تصريح تبقى بيه شاعره

سيرى على بركه الله
At ٨:٠٩ ص, Abdulla Al Ameri

صباح الرومانسية

كلمات و لا اروع
At ٨:١٢ ص, salfa3ajeeba

mashala allah ,
qodrah 3la moda'7alat il3amiyah m3a il fo97a

raw3a keep going :)
At ٩:٣٥ ص, KING TOOOT

عندما ترتبط أنوثة أنثى برجل فهذا يعلن قمة الرجولة على هذا الرجل
كلمات مؤثرة جدا و منطق لفظي جديد
تحياتي جدا
KING TOOOT
At ٦:٣١ م, عين ضيقة

كرانيش
ــــــــ
ههههههههههه
سيرى يانورماندى
انا رأيى تبطلى انتى
وحشتينى

الاستاذ بلاليط
ــــــــــــــ
شكرا لزيارتك

سلفا عجيبة
ـــــــــــــــ
شكرا للرأى والزيارة

كينج تووووت
ــــــــــــ
تحياتى انا كمان

شكرا لكلكم
At ٢:١٦ ص, vetrinary

وشريط اسود فوق الصورة
اظن انك هنا هتبتدى نعى صاحبه الصورة
اللى المفروض انتى او انتى الاخرى
بين ضجيجك واستنطاق الصمت
مسافه
موت الانثى
موت مبتدا والجمله فى محل نصب
متنسيش تبقى تشيلى الكسرة

وبكمِّل كدبى عليها بتسمع

دول مش سطر واحد دول لازم يكونو سطرين
وبكمل كدبى عليها
ده سطر
بتسمع الكلمه دى سطر لوحدها
وفى الحاله دى يبقى عندك كسرة جامده اوى
متحاوليش تلزقى السطور
اما بخصوص
فعل يلبس
فاكيد
مش صح طبعا
حاولى تصرفى الفعل كده
يلبس
لبس
لبسا
تفتكرى التصريفات دى ينفع تبقى لغه عربيه
وبعدين يكفى ان الفعل ينطق يلبث
ويكتب يلبس
ودى من ابسط قواعد الفصل بين الفصحى وعاميه المثقفين
At ٢:٥٥ ص, Muhammad

من يوم ما القصيدة دي نزلت و انا كل يوم اجي اقرا اول جزء فيها بتاع المحصلش و مش معقول ده. واحدة من الجمل اللي شفتها و اتمنيت اكون انا اللي كتبتها. و بعدين انزل بالصفحة مخصوص عشان حرف الفاء اللي فـ "فسريرك بيضمك". بحكّي عن المحصلش و مش معقول، و فسريرك .. هقول ايه بس .. يخرب عقلك يا بنتي

اقولك: انا هسرق القصيدة دي .. بتكلم جد

سلام
At ٦:٤١ م, إنسان || Human

جميل جدا
المزج بين الفصحى والعامية
سكتت أنثى حالة الأنثى بعد الفراق الأبدى حالة رائعة بجد حسيتها
.......
وبعدين على حسب علمي ومتابعتي أول مرة تكتبي فصحى ..ليه كده بس تحرمينا منها كده ..الصراحة شعرك في الفصحى
أجمل..مش معنى كده ان العامية وحش
At ٨:٢٠ م, k H o L i O

حلو اوى التضفير بين الفصحى والعامية
وان كان العمية بتشدنى اكتر خصوصا اللالفاظ الدارجة
شايفة قميص النوم الأحمر
،حيطان البيت
،بِرد الشاى
فعلا جميل
بس
At ٤:٣٢ م, شيماء الجيزى

سكتت انثى

بجد
روعة احساس قائم فى الصدر
لكل انثى
ان تأكل فى شباب الحب
وتحلم
ان تعيش يافعة فى بيت
هى فيه سرير
ان تمت فوق الحائط
او فى شريط اسود

ان تسكت
وتكون تلك
حياة متكررة
لأنثى

.............
حقيقى
اسعدنى دخولى عندك
ومزجك بين العاميه والفصحى
رائع للغاية
انتى احلى عين ضيقه
تحياتى
At ٩:٣٠ م, 21arestoo

ماهزنيش ولا حاجة التضفير بين الفصحى والعامية
بالعكس الموضوع كان تقيل جدا عليا كقارئ ثم ان المسالة بتتطلب فنيات عالية جدا حتى لا نشعر بالعامية أو الفصحى ودا ماكنش موجود بالمرة في القصيدة

بمعنى أكثر إفادة
باستثناء المقطع الأخير
لم أقرأ شعرا

تحياتي
At ١:٣٩ ص, عين ضيقة

فيترينارى
ـــــــــــ
أولا : مسافة مبتدأ
والخبر شبه الجملة اللى قبلها
وموت مضاف اليه مجرور بالكسرة الظاهرة
ما تنساش تفكرنى بالكسرة

ثانيا : وبكمل كدبى عليها بتسمع
صحيحة .... راجع الوزن ياافندم
وحتى لو
ده اسمه شكل كتابى انا بنتهجه

ثالثا : فعل يلبس
راجع القرءان ياافندم او المعجم على الاقل
وابقى قوللى ساعتها الفرق بين فصحى وعامية المثقفين

رابعا : لو محتاج دروس فى النحو واللغة انا مستعدة وهكون سعيدة والله

خامسا سلام بقى والزعل برضو مرفوع

فيريكيكو
ـــــــــ
فينك يابنى؟
اسرق القصيدة
انا موافقة وليا الشرف طبعا
ما تبقاش تغيب تانى طتير

انسان
ـــــــــ
دى مش اول مرة اكتب فصحى
وعلشان خاطرك البوست الجاى فصحى ان شاء الله

شيماء الجيزى
ــــــــــــــ
أهلا بالصحافة
سعيدة جدا ان العمل عجبك
وميرسى ليكى

أرسطو
ـــــــ
عودا حميدا
ولو انى كنت اتمنى العمل كله يعجبك الا انى سعيدة بان ولو مقطع واحد عجبك
شكرا ليك

شكرا لكلكم
At ٩:١٠ م, Amyra

جميل جدا أسماء
:D

الأنثى عمرها متموت حتى و لو خذّرت نفسها أو خّذّروها بكوؤس من الشاي
At ٧:١٨ م, عين ضيقة

ندى
شكرا ليكى

إرسال تعليق ~ back home