وأنت الثرى والسماء .. وقلبك آه أخضر .. وجزر الهوى فيك مدّ .. فكيف إذن لا أحبك أكثر ؟
الخميس، ٢٣ أغسطس ٢٠٠٧,١٢:٣١ ص
خمسة استراحة.... و... تاج
افرحوا ياعيال
هرحمكم من قصايدى شوية وارد على التاج
الحقيقة بعتهولى احمد المصرى
وكانت مها بعتالى واحد منهم من فترة كده
فقررت أرحمكم وأرد بقى
نبدأ
مش جماعة نبدأ لأ .. نبدأ التاج يعنى
أحب شخص لقلبك فى الدنيا؟
كتير والله
ماانا اصل قلبى مساكن شعبية
هههههههههه
انسان مستعد تضحى بحياتك علشانه؟
أنا فدا الشعب
انسان كرهته جدا؟
لم يحدث ابدا
اسم اجمل كتاب قرأته ومحتفظ بيه الى الآن؟
هو مش كتاب .. هى اعمال متفرقة
هقولك عليها بعدين
اسم كتاب بتقريه ومتعلقة بيه جدا؟
بردو اعمال متفرقة
مثلا قصيدة كتبتها الشيماء صديقتى لأيمن صديق كلتينا
بقراها يوميا
جهاز منزلى متعلق بيه وبتستخدمه كتير؟
الخلاط
ههههههههههه
والله الخلاط والتليفون والكمبيوتر
مكان تحس بالراحة النفسية عندما تراه؟
بيتنا وهو فاضى
مكان تشعر فيه بالحنين لذكرياتك؟
الجامعة
مكان تحس فيه بالراحة عندما تدخله؟
بردو بيتنا وهو فاضى
أجمل مدينة زرتها داخل مصر؟
الى الآن
اسكندرية
أجمل منظر طبيعى داخل مصر؟
أكيد هيكون مكان ع البحر
بس انا بخاف المية
شخصية كارتونية بتحبها؟
لم اكن هذه الطفلة التى تتعلق بالكارتون او بشخصياته
نوع هاتفك المحمول؟
نوكيا 1110
هنغيره فى الخطة الخمسية ان شاء الله
سرعة البروسيسور وحجم الهارد؟
وربنا مااعرف
انا لو اعرف اقول على طول
أهم هدف واضعه لحياتك؟
حاليا .. انى اكون شاعرة كويسة
مواصفات فتاة احلامك؟
وانا احلم بواحدة ليه يعنى؟
لأ اقف هنا ورد عليا
الله
شعورك لما بتسمع كلمة مصر؟
شششششششششششش
شعورك لما بتسمع حاجة عن اليهود؟
بفتكر خيبتنا
شعورك لما بتشوف ضابط شرطة؟
أنا لا أعبء بهم
شعورك لما بتشوف الكناس العجوز فى الشارع؟
لأ .. التكنولوجيا دى ماوصلتش عندنا لسه
هى عندكم؟
ياراااجل
أفكارك تجاه الملتحى والمقصر؟
عادى يعنى
لا يشغلنى الناس كثيرا
ــــــــ ـــــــ ـــــــ ـــــــ ـــــــــ
نيجى لتاج مها
الوردة اللى هتكون بيضا قريب إن شاء الله
ــــ ــــــ
اسم مدونتك؟
عيون ضيقة بتحاول تحوى السما
ولماذا اخترته بالذات؟
علشان انا بحاول اعمل ده
أحوى السما
هل فكرت فى اغلاق المدونة؟
لم يحدث ابدا
صورتك فى المدونة.. رمزيتها؟
عيون بس مع المفارقة فى كونها مش ضيقة
بتوسع يعنى
لماذا دخلت عالم التدوين من الاساس؟
علشان ابقى فى دنيا ناس انا بحبهم
أحلى جملة قيلت لك فى وصف مدونتك؟
مش قادرة افتكر والله
أهمية التعليقات بالنسبة لك؟
بشوف انا ممكن أأثر فى الناس لحد فين
اجمل بوست كتبته؟
قصيدة أبويا
علشان الناس حبوها وأثنوا عليا فيها
وكمان حبوا ابويا عليا
وعلشان ابويا اصلا
لا أعلم كيف اضع اللينك
أحلى مدونة قرأتها؟
أى مدونة أدبية جيدة
أجمل بوست قرأته؟
كتير بردو عند أرسطو وكائن العزلة وفيريكيكو
سيزيف وناس كتير والله
حد قل أدبه عليك فى التعليق؟
ان شاء الله
لن يحدث أبدا
أسوأ مدونة وأسوأ بوست؟
أنا كنت هكتب اسم المدونة فعلا
بس مش رضيت علشان مايبقاش انتشر على حسابى
وعلشان مااحسش انى آذيتكم لو فكرتم تدخلوا عنده
دا بجد
.
.
ياللا أى خدمة تانية؟
انا تحت الامر ياست الكل
عين ضيقة
 
posted by عين ضيقة | Permalink |


16 Comments:


  • At ٥:١٣ ص, Blogger Muhammad

    المفروض تحت سؤال نوع الهاتف المحمول يتحط سؤال عن رقم الهاتف المحمول، و ده الاهم:D

    جينا نصبح يا ريس
    صباحك حليب يا اسماء

     
  • At ٢:٤٩ م, Blogger أحمد المصري

    تعرفي أجمل حاجة في اجاباتك ايه؟
    البساطة..بحب انا النظام ده جدا..انتي كل قصايدك حلوة مفيش حاجة أحلة من التانية..ولا اييييييييييه؟
    سلام0

     
  • At ٦:٠٩ م, Blogger كرانيش

    ادامكى الله لى صديقه

    وادامنى لكى مثلما أدامكى لي


    اسماء عشان خاطرى متزعليش منى
    والله غصب عنى وربنا اللى أعلم


    اسماء


    هو احنا ليه متمزعين بالشكل ده؟؟؟؟

    دموع كتييير

     
  • At ٥:٠٧ ص, Blogger محمد مصطفى

    كل ده في قلبك و ساكتة
    هههههههه

     
  • At ٦:١٨ ص, Blogger انكسارات .. احمد البوهى

    أهم هدف واضعه لحياتك؟
    حاليا .. انى اكون شاعرة كويسة
    ......
    بيتهيئلى انك تعديتى المرحلة دى من زماااان

     
  • At ١:٥٢ م, Blogger متغيرة شوية

    هاللو

    انا جاية ادحرج السلام كده، علشان بقالي كتير مكنتش بدخل للأسف

    الا قوليلي يا جمميل ، مالك كنتي بتردي على التاج وانت مقفلة كده ، ارغي شوية يا ماما

     
  • At ٩:٠٧ م, Blogger بهلوله

    اول مره اجى العنوان ده
    انا مش عيله تايهه
    لا
    انا بتمشى
    وجيت هنا لوحدى
    ولقيتك بتردى على تاج
    عموما حصل خير
    والمره الجايه الاقى الشعر بتاعك

     
  • At ١٢:١٥ ص, Blogger الوردة السوداء

    عظيم عظيم

     
  • At ٥:٤٣ ص, Blogger صاحب البوابــة

    اجاباتك حلوة

    وسعدت بقرائتها

    تحياتي

     
  • At ٢:٤٩ م, Blogger شيماء الجيزى

    يا جمال ردودك
    تقريبا والله اعلم مردتيش على اى سؤال عدل
    ايه يا بنتى
    فين الاجابات؟
    انا بس فطست من الضحك
    هههههههههههههههه

    مكنتش اعرف يا شاعرة ان دمك خفيف كده
    بجد
    انتى عسوووووووولة

    تحياتى يا قمر

     
  • At ٤:٠٩ ص, Blogger احساس لسه حى

    عزيزتى
    انتى طبعا تقريبا بتطيرى نصف الاجابات فى المواضيع المهمه او الخاصة باجابات ساخرة يا باجابات رماديه زى لا اعبء بهم او لا يشغلنى الناس كثيرا
    تحياتى وارجوا كثيرا من الصراحه والجرأه
    سلام

     
  • At ٣:٣٤ م, Blogger الفيلسوف

    أول مرة اشوف موقعك ..ظريف ..ووراه واحدة دماغها مشغوول ..تحياتى

     
  • At ٥:١١ م, Blogger حزيــــــــــــــــــن

    بصراحه مش بحب اقرأ التاجات بحس ان الواحد بيحاول يتفلسف عشان يدى الناس انطباع معين عنه او يلغى عندهم انطباع موجود

    بالنسبه لمدونتك فيها محاولات جيده جدا قد ترتقى فى يوما ما للشعر الحقيقى
    انا لست من انصار القصيده الغير موزونه ومقفاه كباقى الشعراء
    ولكن لا احكر عليها فلربما تجد طريقها فى يوم ما الى مجموعه من القوالب الجيده التى يتقبلها البعض

    تحياتى

     
  • At ٦:٤٣ م, Blogger عين ضيقة

    فيريكيكو
    فكرة بردو
    المرة الجاية انفذها
    وصباحك فل

    أحمد المصرى
    انا من شيمى المميزة .. البساطة اصلا
    هههههههههه
    والله يخليك ياعم

    كرانيش
    أفتقدك حتى الظمأ

    مادو
    تخيل

    انكسارات
    الله يخليك
    ده من ذوقك

    متغيرة شوية
    هرغى يابنتى هرغى
    ميرسى لمرورك

    بهلولة
    تنورى ياافندم
    بس .. الشعر ماهو مالى المدونة
    عموما .. استنى الجديد

    الوردة السودة
    تمام ياافندم

    صاحب البوابة
    تحياتى ياافندم

    شيماء الجيزى
    والنبى انتى اللى عسل

    احساس لسه حى
    حاضر

    الفيلسوف
    الله يخليك
    وع الله ماتندمش على رايك ده

    حزين
    شكرا للمرور
    وشكرا للنصيحة
    ويارب تنورنى دايما


    شكرا لكلكم

     
  • At ١:٣١ ص, Blogger بيتنا القديم

    يا تاجاتك يا هولندا

    ويجعلو بمعجبينك عامر

     
  • At ٣:٤٩ ص, Blogger الوحدة بتقتلنى

    هاى اسماء كنت عاوز اقلك على حاجة انك بتعرفى تخرجى من الاسئلة الصعبة يعنى بتعرفى تلفى وتدورى ودى على فكرة ميزة مش عيب وعجبتنى اجاباتك مووووت وربنا يوفقك

    شيتوووووس