وأنت الثرى والسماء .. وقلبك آه أخضر .. وجزر الهوى فيك مدّ .. فكيف إذن لا أحبك أكثر ؟
الثلاثاء، ٩ أكتوبر ٢٠٠٧,٩:٣٦ م
والنهر يحزن
من عشرِ سنينٍ

والصبحُ يفاجئنى دوما

بامرأةٍ غيرى فى المرآةِ

امرأةٌ تلبسُها الدهشةُ

وسؤالٌ يفصحُ عن خوفٍ

(أين الطفلة؟)

كانت تسكننى .. أنهرها

حين تتحاشى الصبيان

دوما كنت أجيد الكذبَ بشأنِ كتابٍ

أقسم أنى لم أقرأه

(هذا القابعُ فى مخبئه لصغر السنِّ وكلمةِ (عيب

كنتُ أجيدُ حكايا الأرضِ

الوطنِ الحلمِ

وكاظمَ حين يلفُّ الصبحَ بصوتِهِ

رقصى

واليومُ الباهتُ يصبغُهُ ماءُ النهر

كنا نتسابقُ فى الحلمِ

فى الضحكِ المنهزمِ المكسور.. وأسبقُه

نتصافحُ دمعاً , يحجبُنى

بابُ المدرسةِ وصوتُ نشيدِ العلمِ الرائعِ

كم كنت أتوق لأن أصرخَ

تحيا..... تحيا

من لا تعلم عنى شيئا

وأنا أعد الآتى حتماً

سوف تشير إلىَّ لأحيا

الآتى يضحكُ

أحسَبها بشرى .. يحسِبُنى

.ثِقَلا فى جدولِ مرضاه

صديقاتى يجدن تحاورَ الأعين

كثيرا كنَّ يقسمن

بأنى جننتُ واخترتُ الهوى درباً

أنا أضحك... أمازحهم

جننتنَّ صديقاتى

إلى أن جنت الألوانُ فى دارى

فلونُ العينِ مرآتى

ولون الحلمِ خالطه

فتىً يغزونى فى عنفٍ

كما أمى

إذا ما ازلزلت خوفاً لفقدانى

فكان الصبحُ

لا أدرى .. أرفضُ الحلمِ يرجفنى

أم التسليم للأنثى؟

و لا أدرى

- هى الأيامُ تسطرُنى بأوراقى -


(2)


إنَّ المدى بى يستطيل

والعشق أنهكنى بصدقٍ

والزمانُ الضدُّ دوما

لا يجود لىَ بضى

ترتجينى أن أكونَ الأمَّ أمى

يرتجينى من أحبُّ بأن أشاركنى انهزامى

- عرسا خرافيا موشى بالدموع -

الآن تسبقنى المياه

والنهرُ يحزن

الله يلعننا لذنبٍ

!!!أم لأنا طاهرون؟


 
posted by عين ضيقة | Permalink |


26 Comments:


  • At ١١:١٦ م, Blogger http://kasperb4.blogspot.com/

    خواطر مشتتة ولكن تدور حول محور واحد
    هو اسلوب غريب شوية بصراحة بس حسيت وانا بقرأ بحاجة حلوة كده وتناغم في الكلمات جميل مع اني بصراحة مفهمتش معظم الكلمات بس قدرت اترجم المعنى المقصود

    تسلم ايدك
    :)

     

  • At ٤:٠٨ م, Blogger محمد عز الدين

    قصيدة جميلة فعلا
    يغمرها إحساس ملموس
    تحياتي

     

  • At ٦:٥٥ م, Blogger micheal

    خواطر جميه و رقيقه تبحث عن الاحساس بالامان
    تحياتي لكي و كل سنه و أنتي طيبه

     

  • At ٩:٢٦ م, Blogger Muhammad Mammdouh

    كل سنة وانتى طيبة وربنا يهديكى

     

  • At ٢:١٦ ص, Blogger بنت القمر

    هذا القابعُ فى مخبئه لصغر السنِّ وكلمةِ _________________(ع
    أحسَبها بشرى .. يحسِبُنى
    _________.ثِقَلا فى جدولِ مرضاه
    ترتجينى أن أكونَ الأمَّ أمى
    يرتجينى من أحبُّ بأن أشاركنى انهزامى
    _____________________
    عرسا خرافيا موشى بالدموع
    عزيزتي عذرا اول زياره بس الاجزاء دي غير مفهمومه لي مطلقا بس الباقي جميل وفيه صور جمايه وتشبيهات حلوة
    تحياتي

     

  • At ١٠:٣٠ ص, Blogger نورسين

    من عشرِ سنينٍ
    والصبحُ يفاجئنى دوما
    بامرأةٍ غيرى فى المرآةِ
    امرأةٌ تلبسُها الدهشةُ
    وسؤالٌ يفصحُ عن خوفٍ
    (أين الطفلة؟)
    كانت تسكننى ..

    بداية موفقة وعمل قوي مشحون باحساسيس كثيرة
    كل سنة وانتي طيبة
    لك على الدوام التحية

     

  • At ١:١٢ م, Blogger _ زين_

    كنت أنت وأنا كوكبا واحدا
    فلما انقسمنا..
    أصبحنا كوكبين..
    يتشجران كل صباح
    وحولهما تلف عشرات الأقمار الميتة..
    ......
    يمكنك الآن أن تستقبلي أحلام على موجة أخرى مختلفة
    ..
    كل سنة وانت طيبه ياقمر
    أطربتيني هذا الصباح، على الرغم من أنني شاهدت الطفلة في المرآة..
    صدقيني في المرآة

     

  • At ٣:١٥ م, Blogger محمد مصطفى

    بصي دي تاني مرة أدخل و أقراها و أكون عايز أحط تعليق محترم و مش عارف
    بس عجبتني

     

  • At ٤:٢٣ م, Blogger محمد العدوي

    من عشرِ سنينٍ


    والصبحُ يفاجئنى دوما


    بامرأةٍ غيرى فى المرآةِ


    امرأةٌ تلبسُها الدهشةُ


    وسؤالٌ يفصحُ عن خوفٍ


    (أين الطفلة؟)


    ...............

    حلوة قوي .



    كل سنة وانت طيبة .

     

  • At ١١:٠١ م, Blogger No Fear

    السلام عليكم
    من غير اي حاجة كده
    كل سنة و أنت طيبة
    عيد سعيد عليكي
    يارب تكوني في سعادة دايما

     

  • At ١:٠٦ ص, Blogger بياترتس

    الجزء التانى طبعا اعلى بمراحل
    وفيه جمل فى منتهى الروعه
    زى مثلا
    الزمان الضد دوما لايجيد لى بضى
    والآن تسبقنى المياه
    والنهرُ يحزن
    الله يلعننا لذنبٍ
    !!!أم لأنا طاهرون؟
    دول عجبونى جدا
    المهم
    كل سنه وانتى طيبه ياعين وربنا يعيد عليكى رمضان بخير وعيد سعيد

     

  • At ١٠:٣٨ م, Blogger انكسارات .. احمد البوهى

    كل سنة وانتى طيبة يا اسماء
    عيد سعيد عليكى
    ****
    كالعادة قرأت قصيدتك اكثر من مرة
    اعجبتنى واكثر..وقصيدتك تحمل بعض الوقفات ما اعجبنى منها وما ابهرنى وما اثار فضولى ويحتاج ايضاح ...الاهم انك تكتبين شعراااا

    ****
    تحياتى

     

  • At ١١:١٧ م, Blogger نهى جمال

    كنتُ أجيدُ حكايا الأرضِ
    الوطنِ الحلمِ
    وكاظمَ حين يلفُّ الصبحَ بصوتِهِ
    رقصى
    واليومُ الباهتُ يصبغُهُ ماءُ النهر
    كنا نتسابقُ فى الحلمِ
    فى الضحكِ المنهزمِ المكسور.. وأسبقُه
    نتصافحُ دمعاً

    -------

    إنَّ المدى بى يستطيل
    والعشق أنهكنى بصدقٍ
    والزمانُ الضدُّ دوما
    لا يجود لىَ بضى


    فعلا

    النص أروع ما قرأته لكِ هذه الفترة ياأسماء

    وده بجد

    وكل سنة وإنتي طيبة
    معلش متأخرة
    بس ظروف
    ودمتِ شاعرة ياجميلة

     

  • At ٣:٤٧ ص, Blogger Muhammad

    صباح الكحك و البسكوت و السوداني و الناس الغريبة اللي بتاكل رنجة في العيد
    :d

    كل سنة و انت طيب يا عمنا و العيد الكبير ان شاء الله تكون كاتب قصيدة أد الخروف

    احنا فـ العيد و مش وقت تعليقات على قصايد. من الاخر كده متنشريش حاجة جديدة غير بعد العيد على ما نروّق الأناني اليومين دول و بعدين نيجي نعلّق

    فهمان و الا مو فهمانتش؟

    كل سنة و انت طيبة يا سمسم

     

  • At ١:٠٧ ص, Blogger بيتنا القديم

    العيد فرحة
    يا سلام
    واجمل فرحة
    يا سلام
    تجمع شمل بعيد وقريب
    سعدنا بيها
    سعدنا بيها
    بيخليها
    بيخليها
    ذكري جميلة لبعد العيد
    غنو معايا غنو
    غنو
    وقولوا ورايا قولوا
    قولوا
    كتر يا رب في اعيادنا
    واطرح فيها البركة وزيد
    جانا العيد اهو جانا العيد
    جانا العيد اهو جانا العيد
    .........................
    من مأثورات صفاء ابو السعود
    قبل الزواج من الشيخ صالح كامل
    اللي خلي كل ايامها عييييييييييد
    وعجبي
    ـــــــــــــــــــــــــــــــــ
    كل عام وانتم بخير

     

  • At ٧:٣٩ م, Blogger عين ضيقة

    آلام وآمال
    كفاية الكام حاجة الحلوة والمعنى المقصود
    نورتنى

    محمد عزالدين
    أشكرك

    ميشيل
    وانت طيب ياكبييييير

    محمد ممدوح
    وانت طيب
    وربنا يهدينا كلنا

    بنت القمر
    عندى دى
    نورتى

    نورسين
    ولك ايضا
    نورتينى

    زين
    شفتها صحيح؟
    طيب
    كل سنة وانت طيب وبتدينى امل

    مادو
    بس
    كفاية انها عجبتك
    وربنا ده تعليق محترم

    محمد العدوى
    أشكرك
    وكل سنة وانت طيب

    لا خوف
    من غير اى حاجة كده
    وانت طيب وانشاءالله انت اللى تبقى سعيد

    بياترتس
    انتى فين ياهانم؟

    انكسارات
    اشكرك
    وكل عيد يبقى سعيد عليك يارب

    نهى
    وربنا انت اللى جميلة
    كل سنة وانت طيبة بجد يارب

    فيريكيكو
    انت نسيت ليه الترمس والحلبة والسودانى؟
    كل سنة وانت بخير ياكبير
    وان شاء الله العيد الجاى يبقى تليفونك خط مش كارت
    ههههههههه
    ونستنى ياعم
    مانستناش ليه؟
    هو انت شوية؟

    بيتنا القديم
    وانت طيب
    وعيد سعيد عليك



    شكرا لكلكم
    وعيد سعيد عليكم يارب

     

  • At ٨:٣٩ م, Blogger Unknown

    كل سنة اونت طيبه

    وعيد سعيد

     

  • At ١٠:٤٤ م, Blogger حزيــــــــــــــــــن

    كل عام وانتى بخير
    عيد سعيد

     

  • At ١٠:٥٥ م, Blogger عين ضيقة

    إسراء
    وانت طيبة ياقمر

    حزين
    يارب العيد الجاى تكون سعيد


    عيد سعيد عليكم يارب

     

  • At ١٠:٥٤ ص, Blogger الطائر الحزين

    فتح الله عليك

    فى اثناء قرأتى نزلت الى الاسفل لأرى ان كان توقيعك عليها انها لأحد الشعراء

    جميلة يملأها الأسى وبين ابياتها تناغم وتراقص للكلمات على نغمات الحزن

    جميلة

     

  • At ٧:٢٣ م, Blogger شربات

    خواطر دون تخطيط

    ولكن تقول وتعبر

    تحياتى

     

  • At ٤:١٧ ص, Blogger احساس لسه حى

    عزيزتى
    كل سنة وانتى طيبة
    بجد الكلام جميل بس حاسس جمال فى تعبيراتك
    اسئله بشوفها بجاوب عنها انا باحساسى واظن احساسك فيها ونظرتك غيرى
    سؤال اين الطفله دى بساله لنفسى دايمن
    وكتير اوى من الاسئله بشوفها مريت على كتير
    بجد احيكى وسعيد بالبوست ده جدااا
    سلااام

     

  • At ٢:٤٥ م, Blogger حزيــــــــــــــــــن

    انا الحمد لله سعيد من العيد دا ومن العيد اللى فات كمان

    وامين على دعائك
    وانت كمان

     

  • At ٢:٥٢ ص, Blogger بيتنا القديم

    رقبتي وزمارتها تحت امرك يا فندم..!!

    دمت بخير

    ويجعلوعاااااااااااااااامر

     

  • At ٨:٠٠ م, Blogger عين ضيقة

    الطائر الحزين
    أشكرك

    شربات
    انت شايفة انها خواطر؟

    احساس لسه حى
    أخجلتم تواضعنا ياافندم

    حزين
    ان شاء الله دايما

    بيتنا القديم
    بعد الشر ياافندم


    شكرا لكلكم

     

  • At ١:١٢ ص, Blogger micheal

    اسمي مايكل
    :)
    تحياتي

     
إرسال تعليق ~ back home