كلامك جميل و معبر في بساطه و سهوله
لك تحياتي

أطيلي القبلة

يا سلام عليكي وعلى كلامك الجميل بس موش هيكفو الالف ألف ولا مليون حتى كالعادة متألقه في كتابتك

؟؟؟؟؟؟؟

عاجزه عن الكلام


؟؟؟؟؟؟

ايه يابنتى ده
جميلة جدا
حقيقى انتى هايلة يااسماء

مش عارف حاسس أن فى الأمر نوع من التشكيل الزائد رغم عشقى لمحاولات العب على اللغة لكن هنا فى النص أشعر بزخم عالى من التشكيل - على عكس رأى ذى النون _
لمرواغة الكلام ببساطة عن فكرة القبلة كحاولة لأعطاء الأمر المزيد من الايحاءات ففى نص صغير نرى القبلة و الاله و الاسطورة (ألف ليلة و ليلة ) بينما من رأى اأن الأمر أبسط من ذلك بكثير

هو اكيد كان بيبوس ايدها صح:)


انا بقول انتي جامدة من زمان

بجد .. حلوة
حلوة
حلوة
حلـــــــــــــــــــــــوة

أحياناً يكون من الإطراء العجز عن

الإطراء

أظن اننا امام حالة من تلكم الحالات

فكفـى لم تزل ظمأى لشفتيك
اطيلى ..سجدة العشق المشوق

مش عارف اقول حاجة لان فعلا قلت كل حاجة
يا له من عشق ويالها من قبله
ربما لا نجد من يعرف كيف يكون معشوق ولكن كثير ما نجد عاشقين
ليتنا نتعلم كيف نعشق (بضم النون وفتح الشين )لان العشق اسهل

كلامك حلو بجد

ربما لم أرد منذ البدء أن أتطرق إلى مسألة العروض, لكن بعد أن فتح عوليس - سامحه الله - الباب, صار صعبا أن نغلقه .... اتفقنا - أيضا منذ البدء - أن كتاباتك من النوع الجاد, و عليه فلن يضيق صدرك بالنقد, بل ربما تفضلينه على كلمات إطراء من نوعية "رائع, و مش معقول" ما دامت الأخيرة لا تعبر عن الموقف الحقيقي, و إنما تأتي على سبيل المجاملة .. لا أقصد - بالطبع - أنها دائما ما تأتي على سبيل المجاملة .. و عموما >>

أولا: تستخدم القصيدة ثلاث تفعيلات مختلفة .. تنتظمها تفعيلة مجزوء الوافر (واضح إنها تستهويكي) في أغلب الأجزاء .. إلا أنها تتحول إلى مستفعلن (تفعيلة الرجز) في السطر قبل الأخير "كي تدنو...قبلة" - لتتغير مرة أخرى إلى فاعلاتن (تفعيلة الرمل) في السطر الأخير "و امنحيني...ليلة" ... و ليست القصيدة من النوع الطويل (لا أقصد من حيث عدد الأسطر - و إنما من حيث التركيب -- كقصيدة الظل و الصليب لصلاح عبد الصبور مثلا) و عليه فليس من داع لكل هذا التنقل بين التفعيلات المختلفة في قصيدة كتلك - لو احتجتي إلى مقال يوضح الفرق بين القصيدة الطويلة و القصيدة القصيرة, سأمرر لكِ مقال قيم للدكتور عز الدين إسماعيل

ثانيا:1- نقول شفتيكِ بفتح الفاء و ليس بسكونها, إلا أننا نضطر إلى تسكينها في السطر الثاني لينتظم الوزن

2- أطيلي نهنهات تطلقيها .. و الصحيح تطلقينها - و هذا من ناحية الإعراب لا الوزن

3- نضطر لقراءة حتى أفنى "بخطف" (ى) حتى و كأنها حتَ أفنى, و هو نفس ما يحدث مع "تدنو" رغم أنها مسبوقة بـ "كي" أي أن الأصل في الفعل - و الحال كذلك - نصب آخره

أما عن القصيدة: أكاد أتفق و كائن العزلة أن التشكيل استهواكِ أكثر من اللازم .. لم أستطع التخلص من ذلك الإحساس الكلاسيكي الذي صاحبني من أول القصيدة حتى آخرها .. و إن امتزج بمحاولة غير موفقة للاقتراب من اللغة الصوفية .. لتصبح القصيدة متكلفة أكثر من اللازم .. كما لم أستصغ "ثم صلِّى .. للإله المقتدر
كى تدنو منى كلًّ يومٍ .. ألفُ قُبْله", و كذلك المبالغة غير المقبولة في "ألف ألف كل ليلة" ..... تبقى القصيدة مبشرة رغم كل ذلك - و أثق أيضا أن بمقدورك إنتاج ما هو أفضل

No hard feelings pls

انتى احسن كتيييييييير
من العاميه
انا مع كائن العزله الكئيب ان فى مبالغه
البساطه بتعبر احسن
ومتهيالى تخليكى فى العاميه انتى اعلى فيها
بجد
سلااااام

تعقيبا على العروض برضه مدام فتحت الموضوع ياعم فريكيكو
السطر الاخير ليس من تفعيلة الرمل السطرين الاخيرين معا من تفعيلة الكامل باستخدام التدوير (متفاعلن وتصير مجزوء الكامل بتسكين الحرف الثالث لتتحول لمستفعلن فى بعض الاحيان)
نفس المثال موجود فى القصيده فى السطر الشعرى:فى فراشى حتى افنى
لو بلم تستخدم التدوير فيه لقراته ايضا فاعلاتن من الرمل ولكن استخدام التدوير اللى موجود فى القصيده هو ما جعله منتظم
يوجد راى عروضى اخر خاص بالسطرين الاخيرين
لو كانت كلمة المقتدر فى نهاية السطر الشعرى مسكنه فيكون اخر ثلاثه احرف فيها حركتين سكون وتبدا بالتدوير من السطر الشعرى الاخر (كى تدنو)بخطف ياء كى كما اوضحت فنجد انها حركه سكون حركه سكون اى ان تدويرها بهذا الشكل يعطى تفيله مجزوء الوافر ايضا وهو احد الاراء العروضيه
هذا بالنسبه للعروض
بالنسبه للقصيده
لايجب ان نسعى وراء الجو الصوفى وهذه التشكيلات هذا السعى المباشر للامساك بها
اتركيها
بس عموما القصيده افضل مما قبلها

وتحولت المدونة إلى مناقشات أكاديمية حول إشكالية العروض وقصيدة الشعر

نلتقي بعد الفاصل

ندخل في الجد بئه
انا شايف ان الموضوع لم يطرح بالطريقة الأمثل سواء من عوليس أو فريكيكو وووغن كنت لا أنكر صحة كلامهما ولكن عندما يكون الحديث عن قصيدة التفعيلة فالأمر يختلف لأن التناول جاء خاصا بقصيدة العامود
القصد
اني ماينفعش اقول جاءت القصيدة على مجزوء الوافر في حين ان مفيش حاجة اسمها وافر اصلا في قصيدة التفعيلة لكن فيه حاجة اسمها متفاعلن
اقصد ان شعر التفعيلة له تنظير خاص يتمثل في نظم القصيدة على التفعيلات السبع
اللي عايز اقوله ان كل حكم وله مناطه
ثانيا بقى ودي النقطة الاهم
القصيدة لا تنتظم الا تفعيلة واحدة يشوبها بعض الكسرات والزحافت والعلل لكنها اولا واخيرا تفعيلة واحدة هي مفاعيلن
بس خلاص

معلش يا اسماء نسيتك خالص
القصيدة حلوة بجد
لكن لا تطيلي القبلة
لا الاولى ولا الاخيرة

شيلى كلمه لشفتيك فى السطر التانى
عشان تظبطى الوزن الى حد ما
اتفق مع فريكيكو
انتا لازم تعرفى يعنى ايه عروض
ده الحالجه الوحيده اللى فاضله
لازم نحافظ عليها
وبعدين فعلا كلمه لفشفتيك دى منرفزانى اوى
دخيله على القصيده بكل المعنى لكلمه دخيله

سيبك م الناس دي كلها


انتي موهوبة جدا

وكلامك عجبني بغض النظر موزون ولا لا

على بركة الله نبدأ العركة

أولا: عوليس:

السطر قبل الأخير يستخدم تفعيلة الرجز و الاخير يستخدم تفعيلة الرمل كما قلت في المرة السابقة .. انت بتقول انهما من الكامل لو استخدمنا التدوير .. تعالى نشوف

كي تدنو مني كل يوم ألف قبلة
و امنحيني ألف ألف كل ليلة

نشوف كده لو استخدمنا التدوير

كي تدنُ منني كلل يومن ألفُ قبلتن ومنحيني ألفَ ألفن كلل ليلة

/*/*//* /*/*//* /*/*//* (//*/*//*) /*/*//* /*/*//*/*

لاحظ معي التفعيلة الرابعة (بين الأقواس) و الناتجة عن محاولة التدوير ... هل هذه متفاعلين تفعيلة الكامل؟ تفعيلة الكامل ///*//* و ليست //*/*//* لذلك لا نستطيع التدوير و نضطر إلى التوقف في آخر السطر و أدعي ان عين لم يخطر ببالها التدوير اثناء الكتابة بل ارادت انهاء السطر عند قبلة - و الحال كذلك, نبدأ سطرا شعريا جديدا في "و امنحيني...ليلة" و ستتفق معي بالطبع ان التفعيلة هنا هي فاعلاتن و ليست متفاعلن و عليه فإن السطر يستخدم تفعيل الرمل و ليس الكامل

كلامك عن سطر "في فراشي حتى أفنى" مظبوط في حالة عدم التدوير .. لكن الفارق ان في هذا السطر يمكننا التدوير اما في السطرين الاخيرين فلا كما اشرت في الملحوظة السابقة

أما عن الرأي الثاني: لو حصل تدوير بين الإله المقتدر و ما يليه, الدنيا هتبوظ خالص - و على فكرة انا مقلتش خطف ياء كي - لكن عموما خللينا نخطفها - و لو ان كده مش هتبقى كي, هتبقى كاف التشبيه - المهم نخطفها و نستحدم التدوير و نشوف

في فراشي حتى أفنى ثم صلي للإله المقندر كي تدنو مني كل يوم ألف قبلة

سيبك من "في" عشان هتبقى تكملة لتفعيلة من السطر اللي قبله
ابدأ من "فراشي", هتلاقي الكلام ماشي مظبوط لغاية التفعيلة الرابعة في السطر مفاعيلن مفاعيلن مفاعيلن مفاعيلن لكن التفعيلة الخامسة هيكون شكلها كده ////*/* و ده عشان تبقى التفعيلة السادسة مفاعيلن تاني ... هل دي ////*/* تفعيلة مجزوء الوافر؟ --- اللي حصل في سطر "ثم صلي للإله المقتدر" كالتالي

حذفت عين ضيقة السببين الخفيفين /*/* من اخر تفعيلة في السطر, و لا اظن ذلك جائزا في العلل لكن اعتبرته ضمن التجديد العروضي المصاحب للشعر الحر منذ نشاته ... طبعا الكلام ده في حالة عدم التدوير, و كما قلت لك التدوير هيبوظ الدنيا هنا

ثانيا: أرسطو:

أولا انا في جميع تعليقاتي في هذه المدونة لم أقل ان قصيدة ما من بحر كذا للسبب الذي ذكرته أنت .. انا اقول مثلا: استخدمت القصيدة مفاعلتن و هي تفعيلة الكامل .. لم اقل ان القصيدة من بحر الكامل ... لكنها استخدمت مفاعلتن و التي هي اصلا تفعيلة الكامل .. لا اظن ان الكلام ده تعتريه شبهة

ثانيا: تقول عين ضيقة "أطيلي سجدة العشق المشوق ثم ظلي في فراشي حتى أفنى ثم صلي.." و التي تكون على وزن: مفاعيلن مفاعيلن مفاعلتن مفاعيلن .. فكيف تقول ان التفعيلة الوحيدة في القصيدة هي مفاعيلن؟ لو قلت ان مفاعلتن هي في الاصل مفاعيلن ثم دخل عليها زحاف ما, فالكلام خاطيء, إذ قد تتحول مفاعلتن إلى مفاعيلن بعد دخول العصب (تسكين الخامس المتحرك) عليها .. لكن لا يجوز أن يحدث العكس - اقصد ان تتحول مفاعيلن الى مفاعلتن .. لانه لا يوجد زحاف واحد يجيز تحريك ساكن .. فلا يمكن تحويل مفاعيلن الى مفاعلتن تحت اي ظروف جوية او درجات حرارة و انما يجوز العكس

كلمة اخيرة: ليس ضروريا ان تتعلمي العروض .. الاكثار من قراءة الشعر, مع الاذن الموسيقية يكفيان لتدريبك على معرفة الصحيح من الخاطيء .. الذائقة مهمة جدا في هذا الشأن --- و ان تعلمتيه, فهو خير ... يمكنك ايضا ان تتبعي نصيحة ادم و تسيبك م الناس دي كلها .. لكن نصيحة اخرى: الانجراف وراء كلمات الاطراء خاوية المعنى يقتل الشاعر .. كلمات من نوعية ايه الروعة دي و عظمة على عظمة يا ست مش بتقدم و لا بتأخر .. لكن كل الناس اللي قالوا نقد هنا بالفعل تهميهم و عاوزينلك الافضل, و مظنش حد منهم يختلف على انك موهوبة, لكن اي واحد في اي مجال بيطمح للافضل .. نزار قباني استهواه ارضاء الجمهور فكانت النتيجة انه لم يقدم جديدا يذكر منذ السبعينات على حد قول البعض .. اعلم انك جادة و بتشتغلي على تحسين ادواتك, و بالتوفيق ان شاء الله

تحياتي لعوليس, و ارسطو, و فيتريناري .. و ليكي --- اسف للإطالة

حلو يا اسماء شكل البلوج كدة
الوانه جميلة


انتى يابنتى فين من كل اللى بيحصل فوق عندك


طلعى اسلحتك وردى بقى
عليهم

نرجع تانى عشان خاطر عيونك ياعم فريكيكو للعروض
اولا لا يوجد اى مغالطه فى حالة ذكرك للبحر الشعرى فى التكلم عن العروض فى الشعر المرسل متفق معاك فى النقطه دى تماما والتفعيله الاساسيه فى القصيده هى تفعيله الوافر مفاعلتن فعلا

بالنسبه لقبله تم التدوير دون تنوين التاء المربوطه وده اللى اقصده لو قطعتها بهذا الشكل ستحصل على بحر الكامل اللى اقصده
دون تنوين التاء المربوطه
النقطه التانيه انا بقول انها احد الاراء العروضيه الخاصه بالشعر المرسل قد يكون غير منتشر ولكنه موجود وهو سكون حرف الراء فى كلمة المقتدر فتكون اخر ثلاث حركات فى كلمة المقتدر حركتين فسكون وتبدا بالتدوير من السطر الاخر لتحصل على تفعيله الوافر ايضا
وبكرر هذا احد الاراء العروضيه ولايمثل القاعده العظمى
تحياتى لك ولاريسطو ولكل الناس الحلوه اللى قاعده (:

ذو النون المصرى

شكرا لمرورك

فيرو

أعتقد القبلة الواحدة بالاحساس ده تغنى عن المليون وللا ايه؟

توهة

ميرسى كتير

الوردة السودة
زى توهة برضو

كائن العزلة

أعتقد الموضوع محتاج مناقشة بينا ان شاء الله

لمياء الحلوة

والنبى هى اللى باستها ياختشى

سمسم باشا
أسعدنى مرورك جدا

سوكومونوس

فعلا.... يالها من قبلة
لما تعرف كيف نُعشق ياريت تقولى

فيريكيكو وعوليس وفيترينارى

انتبهوا ياسادة

أولا : القصيدة شعر حر يعنى انا مش ملتزمة ببحر معين

ثانيا : بخصوص النحو عشان دا لعبتى ولامؤاخذة
مثلما يجوز اثبات النون فى موضع حذفها , يجوز حذفها فى موضع ثبوتها
ودا أكيد من خلال دراستى

ثالثا : لم أحاول السير على الطريقة الصوفية على الاطلاق

رابعا : والله القصيدة موزونة مع بعض الزحافات والعلل
واعترافى ببعض الكسور
ودا اللى عمل لكم اللبس دا كله

خامسا : حلوة حكاية شيلى وحطى دى
وكأن العمل بتاع بنت خالتى يعنى

سادسا :انا بدرس العروض فعلا سبق وقلت الكلام ده

سابعا

أعتقد القصيدة مش هتقف عند العروض يعنى
وأعتقد انها تستاهل اكتر من كده
العروض مهم -دا حقيقى- بس مش هو كل القضية
اعتقد كمان انى بتقدم ودا يشفع لى

جهد مشكور ليكم والله

أرسطو

أخيرا
بس القبلة طالت وخلاص

كرانيش

بجد؟
بجد بجد

آدم المصرى

القصيدة موزونة والله
مع بعض
الكسووووووووووور
بتمنى أشوفك فى اللقاء الثقافى الجاى ياباشا ياريت

الوردة السودة برضو

حلو بجد؟
ولسه
ههههههههههههه

ميرسى ليكم كلكم كتيييييييييييير

تحياتى

جميلة يا اسماء تسلم ايدك

بجد فيها فكرة

لكن افزعتني صدمة الطرح

رغم انها غلاسة مني بس معلش الكلمتين واقفين في زوري .. هقولهم و اخرس خالص

عوليس

أولا: كيف يكون تدوير مع عدم تنوين التاء المربوطة؟ هاتلي مثال واحد بس لأي شاعر يكون فيه اللي بتقوله ده و يكون حد قال انه تدوير - انت كدة بتقطع الدفقة الشعورية, و بعدين تبدأ واحدة تانية .. و ده مش تدوير ابدا --- و بعدين بالطريقة دي كل القصايد اللي فيها قافية هتبقى مدورة, ما دام ممكن اقطع التدوير بالطريقة دي و اقول ان بداية السطر الجديد تتعلق باللي قبله --- كده انت لغيت مفهوم التقفية من اساسه --- و لو حصلت علة في اخر سطر مقفى و افترضت التدوير (افرض العلة مثلا كانت اضافة سبب خفيف) كده السبب الخفيف اللي في السطر ده, هتعتبره بداية التفعيلة اللي في السطر اللي بعده و الدنيا تبوظ خالص

السطر بينتهي بـ "قبلة" و اللي بعده بـ "ليلة", و ده نوع من التقفية .. و لا يمكن ان تجتمع التقفية و التدوير

ثانيا: القصيدة اصلا ليست من الشعر المرسل -- الشعر المرسل يفترض تساوي عدد التفعيلات و اختلاف القافية .. و هذا ما لم يحدث ....... حتى مع افتراض صحة ما تقول, تنتهي المقتدر بحركتين فساكن, فإذا خطفنا ياء كي في النطق كما اشرت انت سابقا لبدأ السطر الذي يليه بحركتين فساكن ايضا فتكون التفعيلة الناتجة هي متفعلن - تفعيلة الرجز بعد حذف الثاني الساكن .... فإذا افترضنا عدم حذف ياء كي, لنتجت مفاعيلن بالفعل, لكن اعود الي القول كيف يكون تدويرا بعد التوقف عند المقتدر ..... حتى و ان كان رأيا في الشعر المرسل, فالقصيدة ليست شعرا مرسلا ... حتى و ان انطبق على الشعر الحر, فأنا ما زلت لا استسيغه, اقصد هذا الرأي

عيون

أولا: مين قال ان الشعر الحر لا يلتزم بتفعيلة معينة؟ هل يتاح لمن يكتب شعرا حرا ان يغير التفعيلة في كل سطر شعري؟ القصيدة قصيرة من حيث النوع و من حيث عدد الأسطر ... و كما اشرت سابقا, يتاح للشاعر تغيير التفعيلة لكن مش في قصيدة زي دي .. ليها احوال تانية ... ارجعي لكتاب الدكتور عز الدين اسماعيل - كما اشرت ايضا في السابق - الشعر العربي المعاصر

ثانيا: تطلقيها فعل مضارع مرفوع بثبوت النون لاتصاله بياء المخاطبة .. و لا يجوز حذف النون إلا في حالتي النصب و الجزم .. و الفعل هنا لا منصوب و لا مجزوم .. فالواجب فيه ان تقولي تطلقينها و ليس تطلقيها ... هذا عن النحو --- اما عن الضرائر الشعرية, فلا اعلم في هذا الباب ما يجوّز حذف النون في حالة الرفع ..... ربما تتحدثين عن نون أخرى تلك التي يجوز ثبوتها في موضع حذفها و حذفها في موضع ثبوتها

ثالثا: نحن في عصر موت المؤلف, و من حق القاريء أن يقرأ القصيدة و يرى فيها ما شاء -- رأينا فيها محاولة لاتباع نهج المتصوفة, و هذا حقنا حتى و إن أنكرتيه .. تنتهي علاقتك بالنص بمجرد الانتهاء من كتابته, لنبدأ نحن في قراءته .. و هناك - بالطبع - قرائن في النص تعضد ما رأيناه

رابعا: حد قال القصيدة مش موزونة؟؟؟

خامسا: احنا وقفنا عند العروض؟؟؟ الموضوع بطبيعته يحتاج بعض الاسهاب و الاخذ و الرد .. اعتقد ان كل واحد ذكر في تعليقه شيء عن اشياء اخرى غير العروض .. لكن بما ان الموضوع اتفتح, حاولنا نتناقش فيه و نوصل لرأي .. و ليس من داع لتكرار اشياء نحن نتفق عليها اصلا .. لذا اسهبنا فيما اختلفنا فيه .... معلقة أقفر من أهله ملحوب - فالقطبيات فالذنوب مليئة بالأخطاء العروضية, و اذا تطرقنا لمناقشة تلك الاخطاء, فلا يعني هذا اننا نسينا المعلقة ذاتها -------- لم ننكر عليك الموهبة و انك بتتقدمي

ملحوظة: شعرت في طريقة ردك ببعض الجفاء (ربما كنت مخطئا) .. و هذا واحد من الاسباب التي استثارتني للرد من تاني

اسف للإطالة التي لن تتكرر ان شاء الله --- و تحياتي للجميع

فريكيكو

نعم
انت مخطىء .. كنت أرد وانا سعيدة جدا بالمناقشات دى
بس يظهر انى لا اجيد التفكه

اما عن النحو
فارجع الى قصيدة نزار قبانى التى يقول فيها (الى من تسافر مثل السفينة فى ماء عينى) واعزرنى لو مش فاكراها كلها
هتعرف انى على حق

وبعدين ياباشا بعد كده طول زى ماتحب

والله انا سعيدة جدا لتناولكم القصيدة بكل البحث ده

ربنا ما يحرمنى منكم ابدا

سمسم

ما عاش اللى يفزعك ياباشا

شكرا ليكم