وأنت الثرى والسماء .. وقلبك آه أخضر .. وجزر الهوى فيك مدّ .. فكيف إذن لا أحبك أكثر ؟
الثلاثاء، ٨ أبريل ٢٠٠٨,١٢:٣٤ م
حديث النيل والشاعر
إهداءإلى
محمود البنا
زيــنـــب
نـــــــــــــور



أول كلام العمر كان... مش فاكرة ايه
آخر كلام العمر ممكن يبقى ايه؟
كل احتمالات اللى جاى مش ضدنا
الزحمة شىء مش محتمل
لكنه لسه بيحتمل قلبين دهب فى المركبة
قدس ٌهواك كأننى
لسايا بنت يومين فى دنيا المعصيات والأمنية
الناس شتا ،
الناس ازاز ،
الناس ورق ،
لكنه لسه نهار صبى بيرسم على جبينك غدى
هذا الربابُ على فمى
تسَّاقط الامواج منه لتبعثَ النيلَ انفجارا ًبالهوى
هل تفتكر.. وزن القصيدة بيتكسر؟
أنا أصلى بتزلزل هنا
هنا زى كل اتنين أحبة اتعاهدوا دايما ع الوفا
احنا اتعاهدنا على الدفا
كنا وكان النيل ضما ياحبيبى لاحتمالات اللقاء
والشارع المفتوح لآخره ماكانش فاكر
إن ممكن خطوتك تبقى بحساب
إزاى ماتتقل ع التراب؟
وإزاى تمر بدون زمن؟
وإزاى تقول ((آه ٍ بحبك من زمن))؟
ياغضة القلب الندى!
أنا كنت واخد ع الشقا
على ضمة الشارع لكفى
وقبضة القلب الـ أوى
لساه مغير ااتجاه
كان زى كل الكون هنا مسافر ف موجة
واخدة عهد بالانسحاب
لكنه م اللحظة دى ساب
ع الشط ألفين أمنية
النيل وعدنا يخضَّر البيت القصيدة مايكسروش
النيل بيدخلنا ابتسام
وأنا كنت متعشِّم أضم عنيكى وأبكى
آهٍ لأول مرةٍ نبكى من الفرح سويا
آهٍ لآخر مرة نبكى من الحزن فرادى
إن الفؤادَ يراقصُ الليلَ العطوف
والوقت مش ضد اكتمال المعصية
ولا ضد ألفين أمنية
ولا ضد براءة القلب اللى تاب
ولا ضدنا
ياعمرنا النازف سنين
ياحسنا المستنى حس
اشهد بإن البنت بتحب الوله
اشهد علينا ولفنا
بالفجر والصبح الطهور

(2)

كلهم بيقولوا
كلا كيت كام مرة عشان
مايظهرش الوجع خلفية للمشهد
عشان .. مايصعبش البطل ع الناس
عشان الناس ماتبكيش
مع إنه مخنوق البطل
ومعانده صوت الأغنية
مع إنه لازم يرتمى ف حضن اللى لا بسة الدور دفا
مع إن جواها بيسند ع الصور
مع إنه هادى التتر ، نازل بالبطىء
مع إن كل الناس بكت
مع إنه لسه صغير المخرج أوى
لكنه لسه مصر يتعاد السيناريو من جديد
ومايظهرش الوجع خلفية للصورة
هيحط فوق كتف البطل
تابلوه لزهر الياسمين
لكنه حاير فيها جدا
إزاى ماتظهرش عنين البنت دول الدبلانين؟

التسميات:

 
posted by عين ضيقة | Permalink |


29 Comments:


  • At ٧:٣٠ م, Blogger حزيــــــــــــــــــن

    القصيده اجبرتنى على انى اكملها الجزء التانى جميل جدا
    والجزء الاول محتاج اقراه تانى لأنى توهت فيه
    تحياتى

     
  • At ١٢:٢٤ م, Anonymous غير معرف

    هٍ لأول مرةٍ نبكى من الفرح سويا
    آهٍ لآخر مرة نبكى من الحزن فرادى

    الجزء دة فاجئنى

    القصيدة عموما جميلة جدا

     
  • At ٦:١٨ م, Blogger الدرعمي

    السلام عليكم

    القصيدة جميلة جدا
    الجزئين بصراحة يشدّوا
    والغريب فيهم هو
    الجمل الفصيحة في وسط العامي
    وده شيء كويس جدا وعجبني

    أرجو إنك دايما تسعدينا
    بالشعر الجميل
    لأنه متعتي اللي مليش غيرها في الدنيا

    مع تحياتي وأخلص أمنياتي بالتوفيق

    آدم

    أدّعي نظم الشعر وكتابة القصص

     
  • At ١٠:١٦ ص, Blogger syzef

    أنا عامةً مش جاي أعلق ..بس القصيدة قصيدة جيدة..عجبني جدا جزئها التاني اكتر من الاول بكتير

    بس اللي عايز اقوله ان الجاي أسوأ بالطبع وليس كما تــدّعين

     
  • At ١١:٤٧ ص, Blogger أنا وصاحبى

    هذه القصيدة ومعها قصيدة امى التى كتبتيها رمضان الفائت .. هما الاقرب الىّ
    ــ
    دمت مبدعة فى تشبيهاتك متعمقة بفكر له من الابداع مالايقل عن تشبياتك شىء
    ـــ
    ــــــ
    تحياتى
    انكسارات
    احمد البوهى

     
  • At ٢:٢٤ ص, Blogger micheal

    شعرك سلس و كله عذوبه لا تجعلني أمل منه أبدا
    تحياتي

     
  • At ١٢:٣٦ م, Blogger عين ضيقة

    حزين
    يارب كل مرة تجبرك تكملها
    نورتنى

    مصطفى السيد
    يارب المرة الجاية القصيدة كلها تفاجئك


    آدم
    فلتدعى دوما نظم الشعر وكتابة القصص إلى أن تكتب وتكتب وتكتب
    شكرا جدا على رايك


    سيزيف
    الجاى؟
    يمكن رؤى
    واستعداد
    ؟


    انت وصاحبك
    دمت دافعا لى


    مايكل
    ان شاء الله دايما


    شكرا لكلكم

     
  • At ٣:٠٦ م, Blogger شيماء الجيزى

    هتفضلى جميلة كده لغاية امتى؟
    الاول انتى وحشتينى جدا
    وحشنى وجودك بحس انك زى الفله بتملى الدنيا بريحتك الحلوة

    بس تعرفى
    حسه بحنين

     
  • At ٧:٢٢ م, Blogger Tamer Nabil Moussa

    قصيدة جميلة


    تسلمى ومشكورررة عليها


    تحياتى

     
  • At ٧:٣٠ م, Blogger أنا وصاحبى

    حضرتك مرشحه لنشر اعمالك ضمن سلسلة مدونات مصريه للجيب
    هتلاقى عنوان المدونه واسم حضرتك موجود بموضوع المدونات المرشحه بالجرووب على الفيس بوك
    لمزيد من التفاصيل ادخلى هنا
    sneen.blogspot.com
    وبرجاء سرعة ارسال ميل يحمل البيانات المطلوبه والموجوده بالتفاصيل
    ahmed_mahana_me@yahoo.com

     
  • At ١:٥٣ ص, Blogger Mony The Angel

    b2aaly kteer magtsh 3andek..
    bas al3'areeb en da ma3'iarsh ay haga
    la mn esloobek w she3rek ally bi3a2adny
    wala mn tatnee7y odaam stoorek
    bgad enty mawheba msA 3aleeky rabbena ye7meeky :))

     
  • At ٧:٥٧ ص, Blogger hasona

    كلمات جميلة
    ومعاني رائعة

    تسَّاقط الامواج منه لتبعثَ النيلَ انفجارا ًبالهوى
    واخدة عهد بالانسحاب
    النيل بيدخلنا ابتسام
    وأنا كنت متعشِّم أضم عنيكى وأبكى
    ياعمرنا النازف سنين

    عندما تتوه الكلمات لكن الشفاه تتحرك بحروف نستمد منها المعاني
    دمتم بكل خير
    وتحياتي لك

     
  • At ٤:٥٢ م, Blogger في حب مصر

    فعلا كلمات جميلة
    وأحاسيس أجمل

    تقبلي مروري

     
  • At ١١:٣٩ م, Blogger أنا وصاحبى

    دعوتك مره سابقه للنشر معنا فى سلسلة مدونات مصريه للجيب
    وفى الحقيقه كنت منتظر رد حتى لو بالرفض بس منتظر رد
    دا ايميلى
    راسلينا لو سمحت
    ahmed_mahana_me@yahoo.com

     
  • At ٤:٣٤ م, Blogger Dr. Diaa Elnaggar

    العزيزة عين ضيقة

    واضح أنني بقالي كتير ما جيتش هنا، وواضح أنني حرمت نفسي من حاجات برضه حلوة كتير !!!!!


    مع إنه لسه صغير المخرج أوى
    لكنه لسه مصر يتعاد السيناريو من جديد
    ومايظهرش الوجع خلفية للصورة
    هيحط فوق كتف البطل
    تابلوه لزهر الياسمين
    لكنه حاير فيها جدا
    إزاى ماتظهرش عنين البنت دول الدبلانين؟

    صحيح ، مع إن حياتنا فيلم لسيناريو اختارناه لنفسنا من قبل كده !!!!

    عميق تحيتي وخالص مودتي

    ضياء

     
  • At ٣:٣٨ م, Blogger إنسان || Human

    كالعادة ....
    الناس شتا
    الناس إزاز
    الناس ورق
    عجبتني أوي
    ..................
    على فكره ليكي عندي تاج أتمنى تاخديه

     
  • At ١٢:٣٧ ص, Blogger سندباد

    اختيار جميل ورائع
    تحياتي

     
  • At ١:١٠ م, Blogger نهر الحب

    جميله قوي بجد تحفه

    سعيده بيكي

    من زمان عايزه ازورك

    تحياتي

     
  • At ١:٠٢ م, Blogger عين ضيقة

    شيماء الجيزى
    وانت كمان وحشتينى والله
    بس انتى عارفة امتحانات بقى وكده

    انشاء الله انتى اللى جميلة


    تامر نبيل
    يارب تسلم انت كمان يارب



    مونى
    وحشتينى موت وربنا
    ربنا يسعد قلبك زى مافرحتينى بتعليقك يارب


    موها
    أشكرك كتير
    وكررى الزيارة


    فى حب مصر
    يارب الزيارة اللى انا قابلاها دى ماتكونش الأخيرة


    د ضياء
    غير مسموح بالتأخير تانى ياافندم
    انا بس خايفة يفوتك الحلو كتير
    ميرسى يادكتور


    انسان
    ميرسى مرتين
    مرة على مرورك ومرة على التج اللى هاخده ان شاء الله


    سندباد
    تحياتى انا كمان


    نهر الحب
    أنا كمان سعيدة بيكى جدا
    تعالى تانى بقى


    أنت وصاحبك
    وصلك منى ايميل يارت تقراه


    شكرا لكلكم

     
  • At ١٠:٢٤ م, Blogger sa'7so'7te

    بجد من ألذ الحاجات اللى قريتها
    ممكن يكون فى حاجات مش فهمتها بس ده الطبيعى لأن دى افكارك بتنط من كل موضوع بيشغلك
    بجد انتى عملتيلى مووود جميل اوى يمكن مع الاغنيه كمان
    تقبلى تحياتى يا جميله

     
  • At ١٠:٣٤ م, Blogger شيمـــــاء

    انبسطت جدا انك رجعتى تانى
    مبروك العودة و ان كانت متاخرة

     
  • At ٥:٣٢ م, Blogger شفـقــة و إحســــان

    كلامك هادى رومانسى معبر

     
  • At ٢:٢١ م, Blogger .:.-=- ELGaZaLy-=-.:.

    القصيدة جميلة اوى
    الجزئين اجمل من بعض...

    تحياتى لقلمك الجميل

     
  • At ٨:٥٥ م, Blogger بيتنا القديم

    والله دائماً متالقة..!!

    (:

    كفاية ان كلام الاعجاب حاسس انه مش

    كفاية .......!!

    ماشاء الله لا قوة الا بالله..!!

    (:

     
  • At ٣:٥٠ ص, Blogger LAMIA MAHMOUD

    يااااااااه يا بنت الاية
    دي مفاجأة
    تسلم دماغك .. المرة دي انتي بالنسبة للي بيقرالك اكتشاف

    قلبي اتقسم خمسين حتة وانا بقراها وانا اساسا مكنتش ناقصة

    لو كنتي بتلقيها صدقيني ايدي كانت حتورم من التصقيف

     
  • At ١٢:٢٩ ص, Blogger محمد فكري

    ساعات كتير بتخوننا الكلمات...لما بنحب نعبّر عن شيء انتزع الـ(آآه)و(الله) من جوانا..رغم إننا كـ(شعراء..مجازاً) بنقدر نترجم مواقف كتير قوي ع الورق..
    لكن بالنسبة ليا..وبعد قراءتي لكلماتك لأول مرة.عجزت عن ترجمة الفرحة والدهة بهذه الموهبة التي ترسم بحروفها سُلّماً موسيقياً خاصاً بها..
    أنا سعيد جداً بوجوي هنا لأول مرة...الـ(10) دقايق دول..خرجوني من مودالمذاكرة الرول اللي كنت فيه :D
    يمكن..ما فيش وقت..أتكلم فيه عن بعض النقاط في القصيدة من وجهة نظري..بس هانت إن شاء الله..يومين وهاخلص..وأتمنى تقبليني قاريء جديد..
    بس كان عندي سؤال فضولي...
    محمود البنا ده الشاب الشاعر اللي من الزقازيق؟....لو هوه يبقى كده انا هاتأكد إن الإبداع يجمع المبدعين..في حلقة واحدة.. :)
    شكراً ليكي..إلى لقاء..

     
  • At ٧:٢٥ ص, Blogger أحمد سلامــة

    شعرك موسيقاه جميله
    ما شاء الله عليكي
    انا مش فاكر جيت هنا امتى بس فاكر جدا اني جيت

     
  • At ٦:٤٩ م, Blogger sha3erelgeel

    اهلاً بالبنت اللي حاولت تكتشفني
    انا اولاً قبل ردي علي العمل
    انا عمرو حسن من اسماعيلية
    حد غلبان قوي والله
    بكتب عامية علي قدي
    وباحن للزقازيق مع اني ماباحبهاش
    سامحيني
    لكن........
    انا اتعرفت بالبنا وسمر وايمن
    وسمعت عن البعض
    وانا سعيد بجو الشعر بينكم اللي انا واثق من ابداعكم فيه
    الحاجة التانية
    ان الجمال فيكم البعد عن القرب
    صورة عجيبة مش كده
    يعني انا ماشوفتش حد م اللي انا قولته هنا
    وده دليل علي انك شاطرة
    وانا سمر كلمتني عنك قبل كده
    وطبعاً يشرفني زيارة الزقازيق
    وانا وعدت قبل كده بالزيارة قريب
    ثالثاً
    انسي كل اللي قولته
    عشان نتكلم بجد
    العمل
    أولاً رائع جداًوالمشهد يسطل من الاعجاب
    خاصة ولو كان من صوت انثوي
    وانا الحقيقة
    مش راضي عن العديد من اصوات البنات في مصر
    يمكن تكون سمر امام رغم خجلها وسحر البدري رغم موسيقيتها الشديدة
    وانتي تقريباً تالت حد يشدني
    الصورة واضحة
    قوية
    هيا ربما تكون حادة شويتين
    وناقصة شوية مرونة
    او ز ماتقولي كده
    حبة نحنحة صغيرة قوي
    عشان تسبك الشكل ده
    صورة الشتا والقزاز مرعبه
    بس حرام عليكي
    اضافة الورق
    علاقة الشتا بالقزاز
    لوحدها دنيا
    هتودي اللي بيقرا ف سكة اللي يروح
    .....
    انا سعيد بيكي
    وسعيد ان اسم عمرو حسن ينضم لاجندتك
    وانا هاكون في الزقازيق قريب
    اسمعكم واسمعّكم ان شاء الله
    وممكن اجيب بعض الاصدقاء الشباب
    ونعمل يوم
    اوعدك انه هيبقي حلو
    اشكرك تاني
    وربنا يكرمك
    ويردهالك في عينك وعافيتك
    وحسنة قليلة تمنع بلاوي كتيرة
    ................
    عمرو حسن

     
  • At ٤:٣٨ ص, Blogger ۩۝۩ Dr. Flavio ۩۝۩

    بالصدفه لقيت مدونتك
    لكن إعجابي بالكلمات دي مش صدفه خالص
    ده واقع ملموس


    وأنا كنت متعشِّم أضم عنيكى وأبكى
    آهٍ لأول مرةٍ نبكى من الفرح سويا
    آهٍ لآخر مرة نبكى من الحزن فرادى
    إن الفؤادَ يراقصُ الليلَ العطوف
    والوقت مش ضد اكتمال المعصية
    ولا ضد ألفين أمنية
    ولا ضد براءة القلب اللى تاب
    ولا ضدنا
    ياعمرنا النازف سنين
    ياحسنا المستنى حس
    اشهد بإن البنت بتحب الوله
    اشهد علينا ولفنا
    بالفجر والصبح الطهور


    الحه دي عاجباني جدا
    تسلم ايديكي

    تقبلي تحياتي